sábado, 27 de octubre de 2018
Vigilia de los Santos Simón y Judas, Apóstoles
Introito (Ps. 78, 11-12; 78, 10)
Intret in conspéctu tuo, Dómine, gémitus compeditórum: redde vicínis nostris séptuplum in sinu eórum: víndica sánguinem Sanctórum tuórum, qui effúsus est. Deus, venérunt gentes in hereditátem tuam: polluérunt templum sanctum tuum: posuérunt Jerúsalem in pomórum custódiam.
Traducción en preparación.
Colecta
Concede, quǽsumus, omnípotens Deus: ut, sicut Apostolórum tuórum Simónis et Judæ gloriósa natalícia prævenimus; sic ad tua benefícia promerenda, majestátem tuam pro nobis ipsi præveniant.
Traducción en preparación.
Epístola (Eccli. 31, 8-11)
Léctio libri Sapiéntiæ Beátus vir, qui invéntus est sine mácula, et qui post aurum non ábiit, nec sperávit in pecúnia et thesáuris. Quis est hic, et laudábimus eum? fecit enim mirabília in vita sua. Qui probátus est in illo, et perféctus est, erit illi glória ætérna: qui potuit tránsgredi, et non est transgréssus: fácere mala, et non fecit: ídeo stabilíta sunt bona illíus in Dómino, et eleemósynas illíus enarrábit omnis ecclésia sanctórum.
Traducción en preparación.
Gradual (Ps. 78, 10; 78, 2)
Vindíca, Dómine, sánguinem Sanctórum tuórum, qui effúsus est. Posuérunt mortália servórum tuórum, Dómine, escas volatílibus cœli: carnes Sanctórum tuórum béstiis terræ.
Traducción en preparación.
Ofertorio (Ps. 149, 5-6)
Exsultábunt Sancti in glória, lætabúntur in cubílibus suis: exaltatiónes Dei in fáucibus eórum, allelúja. (sed post Septuagesimam dicitur) eórum.
Traducción en preparación.
Secreta
Munéribus nostris, Dómine, sanctórum Apostolórum tuórum Simónis et Judæ festa præcédimus: te supplíciter deprecántes; ut, quæ consciéntiæ nostræ præpediúntur obstáculis, illórum méritis grata reddántur.
Traducción en preparación.
Comunión (Ps. 78, 2; 78, 11)
Posuérunt mortália servórum tuórum, Dómine, escas volatílibus cœli, carnes Sanctórum tuórum béstiis terræ: secúndum magnitúdinem bráchii tui pósside fílios morte punitórum.
Traducción en preparación.
Poscomunión
Sumpto, Dómine, sacraménto, supplíciter deprecámur: ut, intercedéntibus beátis Apóstolis tuis Simóne et Juda, quod temporáliter gérimus, ad vitam capiámus ætérnam.
Traducción en preparación.